Heruitreiking van Nasionale Senior Sertifikaat

Doen aansoek om ’n heruitreiking van ’n matrieksertifikaat (verandering van besonderhede). 

Die Departement van Basiese Onderwys of provinsiale departement van onderwys sal onder sekere omstandighede ’n matrieksertifikaat met gewysigde besonderhede uitreik. 

Om inligting op jou matrieksertifikaat te wysig, moet jy by die Oos-Kaapse Departement van Onderwys se Eksamendirektoraat aansoek doen deur die toepaslike vorm te voltooi (Aansoek om wysiging/regstelling van persoonlike besonderhede: Administratiewe foute, of Aansoek om heruitreiking van Nasionale Senior Sertifikaat/NSS as gevolg van verandering in persoonlike inligting: Regswysigings). Jy moet persoonlik na die naaste kantoor van die onderwysdepartement gaan sodat die amptenaar ’n onderhoud met jou kan voer voordat hulle die wysigings aanbring.  

Jy kan die uitslagstaat aanvra terwyl jy vir die vrystelling van jou sertifikaat wag. Vind meer uit oor die heruitreiking van ’n matrieksertifikaat of kontak die Eksamendirektoraat by 043 604 7712/95.

Heruitreiking: Administratiewe foute

’n Versoek vir ’n heruitreiking sal binne die ses-maande-tydperk na sertifisering (eerste uitreiking), maar nie later nie as ’n jaar ná die laaste eksamen, oorweeg word in gevalle waar daar voldoende bewys is dat die fout op die sertifikaat ten opsigte van ’n vakpunt, ’n vakkeuse of ’n wysiging in die uitslag of ’n ander aspek van die persoonlike besonderhede foutief is as gevolg van ’n registrasiefout deur die skool of Departement.

Heruitreiking: Verandering van geslagsbeskrywing en geslagstatus

In die geval waar die direkteur-generaal van die Departement van Binnelandse Sake ’n aansoek toegestaan het ten opsigte van die Wet op Verandering van Geslagsbeskrywing en Geslagstatus, 2003, en ’n persoon se geslagsbeskrywing dienooreenkomstig verander het, mag die persoon deur die Departement van Basiese Onderwys of provinsiale onderwysdepartement aansoek doen om die heruitreiking met ’n wysiging van naam/persoonlike besonderhede (indien versoek) en hertoewysing van geslagsbeskrywing op die Raad vir Gehalteversekering in Algemene en Verdere Onderwys en Opleiding (Umalusi) se databasis. 

Dokumentasie vereis

- Gesertifiseerde afskrifte van die kandidaat se ou en nuwe identiteitsdokumente

- ’n Gedetailleerde beëdigde verklaring deur die kandidaat

- Die oorspronklike sertifikaat

- Aansoekvorm beskikbaar by die DBO/POD

- ’n Brief van die Departement van Binnelandse Sake wat bevestig dat hulle namens die betrokke persoon volgens Artikel 27(A) van die Wet op die Registrasie van Geboortes en Sterftes, 1992, opgetree het en dat hulle daardie persoon se geslagsbeskrywing (en die name) gewysig het.

Wat jy moet doen

Betaal die voorgeskrewe bedrag met ’n posorder by die poskantoor, in kontant by die DBO/POD se kantoor of per tjek.

Besoek die naaste kantoor van die DBO/POD met die volgende dokumente:

- Jou oorspronklike Nasionale Senior Sertifikaat en ’n gesertifiseerde afskrif daarvan

- Identiteitsdokument (ID) en ’n gesertifiseerde afskrif van jou ID

- ’n Gedetailleerde beëdigde verklaring met die redes vir die verandering

- ’n Bevestigingsbrief van die Departement van Binnelandse Sake

- Geboortesertifikaat, kliniekkaart of doopsertifikaat

Hoe lank neem dit?

Dit neem vier tot ses weke om die heruitreikingsertifikaat te verwerk

Hoeveel kos dit?

- Heruitreikingsertifikaat: R73 tot 31 Maart 2015

- Uitslagstaat: R26 tot 31 Maart 2015

Wie moet ek kontak?

Nasionale kantoor: 012 357 4511/13

Oos-Kaap: 043 604 7709/73

Wes-Kaap: 021 467 2483

Noord-Kaap: 053 839 6585

KwaZulu-Natal: 031 327 0538/0331

Vrystaat: 051 404 8000

Gauteng: 011 355 0588

Noord-Wes: 018 384 3100/51

Limpopo: 015 290 7747/7830