DIREKTORAAT: SKOOLGESONDHEIDSVEILIGHEID EN LEERDERVERRYKING

(i) Skoolgesondheid en lewensvaardighede:

• Die Departement voorsien versorging van en ondersteuning vir onderrig en leer (CSTL) aan alle skole in die provinsie om alle leerders se ongehinderde toegang tot gehaltebasiese-onderwys, asook hulle retensie, ondersteuning en verbeterde akademiese prestasie gevrywaar van gesondheids- en psigososiale hindernisse te verseker.

• Om hierdie doelwit te bereik het Nasionale Tesourie, deur die Departement van Basiese Onderwys (DBO), die MIV/Vigs-lewensvaardigheidsvoorwaardelike toelaag beskikbaar gestel om maatskaplike en strukturele drywers van MIV, seksueel oordraagbare infeksies (STIs) en tuberkulose (TB) tot voordeel van leerders in geteikende skole met ’n groot las aan te pak om leerdertoegang en -retensie en akademiese prestasie binne die basiese onderwyssektor te verseker.

• Om toegang tot hierdie voorwaardelike toelaag te verkry, moet die Departement ’n volledige koste-sakeplan met werklike leerderteikens en aktiwiteite of programme ontwikkel wat die gesondheids- en psigososiale hindernisse sal hanteer wat onderrig en leer sal beïnvloed.

• Die Oos-Kaapse Departement van Onderwys (OKDvO) verskaf hierdie ondersteuning deur die plasing van leerderondersteuningsagente (LOA’e) in die geïdentifiseerde skole te verseker.

(ii) Bevordering van toegang:

Bevordering van toegang is ’n eenheid van sosiale ondersteuning en leerderverryking (SO & LV) se subdirektoraat van die direktoraat vir skoolgesondheidsveiligheid en leerderverryking (SGV&LV). Dit is saamgestel uit drie subeenhede:

- Koshuisbestuur en -dienste (KB&D);

- Skoliervervoer (SV) en

- Skoolveiligheid (SV).

Hierdie drie subeenhede vind uitdrukking in die Departement se jaarlikse prestasieplan (JPP) onder program

(iii) Leerderverrykingsprogramme: (Sport, erfenisprogramme, kuns en kultuur)

a. Om eenheid in skole vir funksionaliteit te bevorder.

b. Om nasionale rekonsiliasie, nasionale identiteit, sosiale kohesie en transformasie te bevorder.

c. Om geweld in skole en vandalisme teen te werk.

d. Om tienerswangerskappe te verminder.

e. Om alle maatskaplike euwels (dwelm- en middelmisbruik, afknouery ens.) teen te werk.

f. Om verantwoordelike landsburgers te kweek.